ளுத்துறை நீதிமன்றத்தில்  முன்னிலையாகும்  சட்டத்தரணிகள் எதிர்வரும் ஆகஸ்ட் 26ஆம் திகதி முதல் நவம்பர் 6ஆம் திகதி வரையிலான காலப் பகுதியில் சுய தனிமைப்படுத்தலில் ஈடுபடப் போவதாகத் தெரிவித்துள்ளனர். இதன் காரணமாக  குறித்த காலப் பகுதியில்  வழக்குகளில் தாம்  முன்னிலையாகப்  போவதில்லை என களுத்துறை சட்டத்தரணிகள் சங்கம் தீர்மானித்துள்ளது. களுத்துறை நீதிமன்றத்தில் இடம்பெற்ற வழக்கு விசாரணையின்போது,  பெண் வழக்கறிஞர் ஒருவரின் சேவையைப் பெற்றுக்கொண்ட நபர் ஒருவர்  கொரோனா வைரஸ் தொற்றுக்கு உள்ளாகியுள்ளதன்  காரணமாக அப்பெண் வழக்கறிஞர்  தனிமைப்படுத்தப்பட்ட நிலையில் ஏனைய வழக்கறிஞர்களும் சுய தனிமைப்படுத்தலில் ஈடுபடப் போவதாக களுத்துறை சட்டத்தரணிகள் சங்கம் ஏகமனதான தீர்மானத்துள்ளது.   இதற்கமைய  எதிர்வரும்  26ஆம் திகதி திங்கட்கிழமை  முதல் நவம்பர் 6ஆம் திகதி வரையிலான காலப் பகுதியில் நீதிமன்றத்தில் இடம்பெறும்  ம் தனது சேவையாளர்களுக்கான வழக்கு விசாரணைகளுக்கு ஆஜராகப் போவதில்லை என தீர்மானித்துள்ளதாக  அறிவிக்கப்பட்டுள்ளது.

நாடளாவிய ரீதியில் ஊரடங்கு சட்டத்தினை அமுல்படுத்தும் திட்டம் எதுவுமில்லை என பொலிஸ் பேச்சாளர் அஜித் ரோகண தெரிவித்துள்ளார். தற்போது ஊரடங்கு சட்டம் நடைமுறையில் உள்ள பகுதிகளை தவிர வேறு பகுதிகளில் ஊரடங்கினை அறிவிக்கப்போவதில்லை என அவர் குறிப்பிட்டுள்ளார். ஊரடங்கு சட்டம் குறித்து சமூகத்தில் பல வதந்திகள் காணப்படுகின்ற போதிலும் நாடளாவியரீதியில் ஊரடங்கினை அறிவிக்கப்போவதில்லை என அவர் தெரிவித்துள்ளார். இன்று மாலை கொவிட் செயலணியின் கூட்டம் இடம்பெற்றது இந்த கூட்டத்தில் நாடளாவிய ரீதியில் ஊரடங்கு குறித்து எந்த முடிவும் எடுக்கப்படவில்லை என அவர் தெரிவித்துள்ளார். கொவிட் நோயாளிகள் கண்டுபிடிக்கப்படுவதை அடிப்படையாக வைத்தே ஊரடங்கு சட்டம் குறித்து தீர்மானிக்கப்படுவதாக அவர் தெரிவித்துள்ளார். தற்போது 44 பொலிஸ்பிரிவுகளில் ஊரடங்கு சட்டம் நடைமுறையில் உள்ளது அதனை கடுமையாக நடைமுறைப்படுத்துவோம் என அவர் தெரிவித்துள்ளார்.

நாட்டில் தற்போது ஏற்பட்டுள்ள நிலைமை மிகவும் பாரதூரமானது என்பதை மக்கள் புரிந்து கொள்ள வேண்டும் என சுகாதார சேவைகள் பணிப்பாளர் நாயகம், விசேட வைத்திய நிபுணர் ஹேமந்த ஹேரத் தெரிவிக்கின்றார். சுகாதார மேம்பாட்டு பணியகத்தின் வளாகத்தில் இன்று இடம்பெற்ற ஊடக சந்திப்பொன்றின் போதே, அவர் இதனைக் குறிப்பிட்டார். எனினும், தற்போது ஏற்பட்டுள்ள நிலைமை, கட்டுப்படுத்த முடியாத நிலைக்கு தள்ளப்படவில்லை எனவும் அவர் சுட்டிக்காட்டினார்.

நாட்டில் கொரோனா தொற்றினால் பாதிக்கப்பட்ட மேலும் 609 பேர் இனங்காணப்பட்டுள்ளனர். இராணுவத் தளபதி லெப்டினன் ஜெனரல் சவேந்திர சில்வா இந்த தகவலை வெளியிட்டார். இதேவேளை பேலியகொட மீன் சந்தைத் தொகுதியில் தொழில்புரிந்து வீடு சென்ற இரத்தினபுரி எம்பிலிப்பிட்டிய பகுதியைச் சேர்ந்த நபருக்கு கொரோனா தொற்று உறுதிசெய்யப்பட்டுள்ளது. இதனையடுத்து அவருடன் நெருக்கமாக இருந்த சுமார் 60 பேர் தனிமைப்படுத்தப்பட்டுள்ளனர். கொழும்பிலிருந்து குறித்த நபர் பொது போக்குவரத்து பயன்படுத்தியுள்ளதுடன், எம்பிலிப்பிட்டிய நகரில் அந்நபர் சென்றுவந்த 42 கடைகள் தற்காலிகமாக மூடப்பட்டுள்ளன.

கொடிகாமம் ,சாவகச்சேரி ,கோப்பாய் அச்சுவேலி ஆகிய இடங்களில் வீதிகளில் செல்வோரை தள்ளி விழுத்தி காயப்படுத்தி நகை கொள்ளையில் ஈடுபட்டு வந்த உடுவில் பகுதியைச் சேர்ந்த நால்வர் இன்றைய தினம் மாவட்ட குற்றத்தடுப்பு பிரிவினரால் கைது செய்யப்பட்டுள்ளார்கள் கைது செய்யப்பட்டவர்களிடமிருந்து 10 பவுண் நகை ஒரு மோட்டார் சைக்கிள் மற்றும் 3 கிராம் கேரோயின் போதைப்பொருளும் மீட்கப்பட்டுள்ளது  கடந்த மாதம் அச்சுவேலி பிரதேசத்தில் சிறு பிள்ளையுடன்  மோட்டார் சைக்கிளில் பயணித்துக் கொண்டிருந்தபோது  மோட்டார் சைக்கிளின்  இலக்கத் தகட்டை சூட்சுமமான மாற்றிப் பயணித்தோடுமோட்டார் சைக்கிளை தள்ளி விழுத்தி மோட்டார் சைக்கிளில் சென்றவர்களை காயப்படுத்தி அவர்கள் அணிந்திருந்த நகைகளை கொள்ளையடித்த சம்பவம் போன்ற ஆறுக்கும் மேற்பட்ட கொள்ளைச் சம்பவங்களுடன் தொடர்புடைய நால்வர் இன்றைய தினம் கைது செய்யப்பட்டுள்ளார்கள் யாழ்ப்பாண குடாநாட்டின் மேலும் பல பகுதிகளில் வீதியில் பயணிப்போரை தள்ளி விழுத்தி அல்லது காயப்படுத்தி…